دیر خاص پر یوسفزئ جنگجوؤں کا حملہ
آخون الیاس مورث اعلیٰ دیر شاہی خاندان حضرت بنور کی شاگردی میں کئ سال گذارنے کے بعد مکہ میں کچھ وقت گذارنے کے بعد وطن واپس ہوئے تو ان کی زہد و تقویٰ کے چرچے دور دور تک پھیل گئے.ان کے محفل میں ہر وقت لوگوں کی گہماگہمی رہتی مذہبی تعلیم حاصل کرنے والوں کے ساتھ ساتھ مریضوں اور اپنے تنازعات کا شرعی حل ڈھونڈے والے آپ کے دربار میں ہر وقت حاظر رہتے.مختصر سی مدت میں بہت سارا مال ودولت جمع کرنے کے بعد1676ءمیں وفات پا گئے.ان کے بعد ان کا جا نشین بیٹا ملا اسماعیل اپنے والد کی گدی پر بیٹھے.کہا جاتا ہے کہ اپ کے دینی تقریر سے سامعین مدہوش ہوجاتے.ملا اسماعیل 1752( بحوالہ دیر کوہستان ایک مختصر تاریخ.صفحہ نمبر 111) میں وفات پاگئے.ان کے.بعد خان غلام خان اپنے والد کے جانشین بن گئے اور مال و دولت کی فروانی سے بجائے مذہبی رہنماء کے علاقے کے خان بن گئے۔ 1801ء میں ان کے وفات کے بعد ان کا بیٹا خان ظفر خان نئے خان بن گئے۔
خان ظفر خان نے یوسفزئ جنگجوؤں کے مدد سے خاص دیر پر حملہ کیا.تاریخ اس بات پر شاہد ہے کہ 1804 تک داروڑہ سے لیکر کوہستان دیر.براول اور درہ لواری تک کوہستانی کافر حکمران تھے.اگر چہ ان کے رعایا آخون سالک بابا کے ہاتھوں اسلام قبول کر چکے تھے لیکن دیر پر ہنوز کوہستانی ہی حکمران تھے ( بحوالہ گمنام ریاست جلد اول صفحہ نمبر 24) 1804 میں خان ظفر خان یوسفزئ جنگجوؤں کی قیادت کرتے ہوئے دیر خاص پر حملہ اور ہوئے.ایک خون ریز جنگ کے بعد دیر خاص پر یوسفزئ جنگجوؤں نے قبضہ کیا.خان طفر خان نے کوہستانی حکمران خاندان کے پرانے قلعے کو مسمار کر کے ایک نئے قلعے کی بنیاد رکھی اور دیر خاص کو اپنا دارلخلافہ بنا کر یہی مستقل رہائش اختیار کی.
