سیلاب سے تباہ ہونے والے پرائمری سکول بریکوٹ دیر بالا کا داستان
تحریر: فضل خالق سنئرپرائمری ہیڈ ٹیچر وطالب العلم مادری علمی جی پی ایس بریکوٹ کوہستان۔
مادری علمی جی پی ایس بریکوٹ کا اغاز 1961کو ایک ہجرے میں ہوا۔قصہ کچھ یوں ہے کہ نواب دیر کے دور میں صاحب ذادہ صاحب آف میدان کو بحثیت معلم لاموتی بھیجا گیا تھا۔جہاں عوام نے یہ کہہ کر ان کو واپس کیاکہ ہم انگریزی تعلیم کو حاصل نہیں کرنا چاہتے۔اور صا حبزادہ صاحب واپس پیدل سفر کرتے کرتے شام کو جامع مسجد بریکوٹ پہنچ گئے۔نماز کے بعد جیسے صدیوں سے ہمارا دستور آرہا ہے کہ ہم مہمان سے خیریت دریافت کرتے ہیں، تو اس مہمان سے بھی جمعہ خان ملک عرف سوات مولا اور مامو مولوی عبدالحی عرف بابا جی نے خیریت دریافت کی۔ صاحب ذادہ صاحب نے داستان سنایا،پھر ان بزرگوں نے پوچھا کہ اگر ہم آپ کو جگہ دیں تو کیا آپ ہمارے بچوں کو پڑھائیں گے،جس پر صاحب ذادہ صاحب نے ہاں کردی۔اور ساتھ میں ان بزرگوں سے کہہ دیاکہ میں جاکے اپنے ارڈر یہاں پر کرواؤں گا۔
رات گزار نے کے بعد وہ چلا گیا اور سات دن بعد وہ واپس آگئے اور باقاعدہ تعلمی سلسلہ لاموتی کے بجائے بریکوٹ میں شروع ہوئی۔اس وقت مامو بہادر سید ،مامو حاجی شیر بہادر صاحب، محمد حیدر اور محمد عمر صاحب جو کہ ابھی حیات ہیں ،جماعت دوم میں داخل کروائے گئے ۔1962میں کوہستان میں ایک لاکھ بیس ہزار روپے کی لاگت سے چھ پرائمری سکولوں کی منظوری ہوئی اور یوں 1964میں دو کمروں پر مشتمل گورنمینٹ پرائمری سکول بن گیا۔
سکول میں استاد محترم نصیب اللہ (م) نے اپنے شاگر گل باچا جو مرحوم جمعہ خان کابیٹا تھا ،دریاے پنجکوڑہ کے بے رحم موجوں سے بچاتے ہوئے خود بھی اپنےخالق حقیقی سے جا ملے تھے۔مادری علمی نے علم کا روشنی پھیلاتے ہوئے کئی نامور شخصیات پیدا کئے جن میں اساتذہ اور ڈاکٹرز شامل ہیں جو مختلف محکموں میں حدمات انجام دے رہے ہیں۔اب تک مادری علمی میں 25 اگست 2022تک 2450 بجے داخل ہو چکے ہیں ۔
بالاخر 26 اور 27 اگست2022 کے درمیانی رات دریاے پنجکوڑہ کے بے رحم موجوں کے سامنے اپنے وجود کو قائم نہ رکھ سکا۔اور دریا برد ہوا۔اور یوں پھر یہ مادری علمی ایک ہجرے کے تلاش میں ہے۔آج مادری علمی کے بچے دریاے پنجکوڑہ کے اس پار محصور ہیں اور کسی مسیحاکے منتظر ہیں۔
فضل خالق وطالب العلم مادری علمی جی پی ایس بریکوٹ کوہستان۔
