کئی لوگوں نے گواہی دی ہے کہ رات کو یہاں جنات نظر آتے ہیں۔ وہ الگ بات ہے کہ ہمیں کوئی جن نظر نہیں آیا، حالانکہ کئی راتیں میں نے اس چشمے کے کنارے گزاری ہیں، بلکہ ایک آدھ بار تو خاص اس جنوں کے محفل کے چکر میں ہم رک گئے تھے کہ کیا پتہ آج جنات سے ملاقات ہو ہی جائے اور ہمیں کوئی پیاری سی پری مل جائے، اگر پری نہ ہو تو کم سے کم آلہ دین والے جن کی طرح کوئی جن تو مل ہی جائیگا۔ سوچا تھا کہ گپ شپ کے ساتھ ساتھ اگر سرود( ستار ) کی محفل جم جائے تو مزہ آجائیگا۔ ہم اس امید میں پوری پوری رات ستار بجا کر تھک جاتے تھے، لیکن جنات نے نہ آنا تھا سو وہ نہیں آئے۔ دو چار بار کوشش کرنے کے بعد جب کوئی نظر نہیں آیا تو ہمیں اندازہ ہوا کہ جس طرح کمراٹ سے راموش ( جنگلی بکری ) ریچھ اور لویش، شام ( مرغ زریں )جیسے نایاب جنگلی پرندے اپنے جانیں بچا کر برف پوش پہاڑوں کے طرف جانے پر مجبور ہوئے تو ہو سکتا کہ جنات بھی اب یہاں سے ہجرت کرچکے ہوں کیونکہ یہ اب وہ پراناکمرٹ نہ رہا جو ایک سنسان اور غیر آباد وادی تھی۔ جہاں میلوں تک کسی آدم زاد کا کوئی نام و نشان نہیں ملتا تھا اور اب یہ حال ہے کہ ہر دو قدم بعد کوئی نہ کوئی مل جاتا ہے۔ اب جنات کو وہ سکون اور خاموشی کہاں میئسر ہے کہ وہ اپنے محفلیں جما سکیں
