جار (بیاڑ)۔دیر کوہستان
%20Kumrat%20valley.png "Kumrat Valley")
گمنام کوہستانی کے قلم سے
جار جسے پشتون اور گجر برادری بیاڑ کہتے ہے دیر کوہستان کا ایک اہم گاوں ہے،مقامی لوک کہانیوں کے مطابق قدیم وقتوں میں اسے جورا یا جارا نام کے ایک شخص نے اباد کیا جس کے وجہ سے اسے جار کہا جاتا ہے ،اسی جار کے نام پر کوہستان کے سبزہ زاروں میں ایک بانال بھی ہے جو کوہستان کے خوبصورت بانالوں میں سے ہے،دریائے پنجکوڑہ کے کنارے اباد اس گاوں میں چھتر بتور،بتیرور،گینور،ڈمور،سندروجی اور ملاخیل کوہستانی قبائل آباد ہیں ،اس کے علاوہ گجر اور پشتون برادری بھی بڑی تعداد میں اباد ہیں، جار میں گاوری زبان ہی بولی جاتی ہے لیکن لہجے میں معمولی فرق پایا جاتا ہے،جار میں بولی جانی والی گاوری کوہستانی زبان میں‘ ک ‘ کی بجائے ‘ خ ‘ استعمال کیا جاتا ہے ۔ راجکوٹ (پاتراک) اور پیود (بریکوٹ) کے مقابلے میں جار میں آباد کوہستانی قوم گاوری زبان ہی میں بات چیت کرتے ہیں ۔بازار ہو یا مسجد ، گھر ہو یا حجرہ سبھی جگہ آپ کو گاوری زبان میں باتیں کرتے ہوئے لوگ نظر آئیں گے ۔
