خوشخبری! وطن کوچ سروس اب ہوگی ڈائیوو کے سفر کے ساتھ اور بھی آسان
دیر کوہستان کے لوگوں کے لیے ایک بڑی خوشخبری سامنے آئی ہے ۔ اب سفر ہوگا نہ صرف آرام دہ بلکہ جدید سہولیات سے مزین، کیونکہ وطن کوچ سروس نے راولپنڈی سے کمراٹ ویلی تک ڈائیوو سروس کا باقاعدہ آغاز کر دیا ہے۔
دیر بالا کے خوبصورت علاقے کلکوٹ سے تعلق رکھنے والے درویش برادران نے علاقے کے ٹرانسپورٹ سیکٹر میں نمایاں خدمات انجام دی ہیں۔ ان کی قائم کردہ کمپنی وطن کوچ نے 2013 میں پہلی مرتبہ مردان سے تھل اور کمراٹ ویلی تک فلائنگ کوچ سروس شروع کی، جس نے مقامی عوام اور سیاحوں کے لیے ایک نیا سفر آسان بنایا۔
وطن کوچ نے وقت کے ساتھ ساتھ اپنی سروسز میں بہتری لاتے ہوئے مردان سے پہلی بار کوسٹر سروس اور بعد ازاں راولپنڈی سے بھی کوسٹر سروس شروع کی۔
ان اقدامات نے نہ صرف مقامی ٹرانسپورٹ کے معیار کو بلند کیا بلکہ دور دراز علاقوں کو شہری سہولیات سے جوڑنے میں اہم کردار ادا کیا۔
اب وطن کوچ نے راولپنڈی سے کمراٹ ویلی تک ڈائیوو سروس متعارف کروا کر ایک نیا سنگِ میل عبور کیا ہے۔ یہ سروس خاص طور پر ان سیاحوں کے لیے نہایت مفید ثابت ہوگی جو آرام، تحفظ اور اعتماد کے ساتھ خیبر پختونخوا کے دلکش مقامات کا سفر کرنا چاہتے ہیں۔ڈائیوو بسوں میں ایئرکنڈیشنڈ ماحول، آرام دہ نشستیں، اور پیشہ ورانہ عملہ سفر کو مزید پُر سکون بناتا ہے۔
کمراٹ ویلی پاکستان کے ان چند مقامات میں سے ہے جو اپنی قدرتی خوبصورتی، سرسبز پہاڑوں اور شفاف چشموں کے باعث دنیا بھر کے سیاحوں کو اپنی طرف کھینچتی ہے۔ وطن کوچ کی ڈائیوو سروس نہ صرف سیاحت کو فروغ دے گی بلکہ مقامی معیشت کو بھی نئی جہت دے گی۔
درویش برادران کی یہ کاوش یقیناً قابلِ تحسین ہے۔ ان کا وژن اور عزم دیر کوہستان کے ٹرانسپورٹ کے شعبے میں ایک روشن مثال ہے۔ وطن کوچ نے اپنی مسلسل محنت اور عوامی خدمت کے جذبے سے ثابت کیا ہے کہ اگر نیت سچی ہو تو پہاڑوں کے بیچوں بیچ بھی ترقی کا سفر ممکن ہے۔
برائے رابطہ :
اسلام آباد اور راولپنڈی 03269000140
پشاور 03259000142
مردان 03467001890
