وادی کمراٹ میں چیک پوائنٹ سے لیکر ابشار تک سڑک سے برف ہٹائی گئی۔
اسسٹنٹ کمشنر شرینگل کے زیر نگرانی ٹی ایم اے کلکوٹ کے عملے نے برف ہٹائی ۔
دیر: ڈپٹی کمشنر و ڈائریکٹر جنرل کمراٹ ڈیولپمنٹ اتھارٹی اکمل خان خٹک کے ہدایت پر کمراٹ ویلی کے تمام بند راستوں کو مکمل طور پر بحال کرنے کے حکم کی تعمیل میں اسسٹنٹ کمشنر کے زیر نگرانی تحصیل میونسپل ایڈمنسٹریشن کے عملے نے ٹریکٹرکے زریعے چیک پوسٹ سے لیکر ابشار تک سڑک سے برف ہٹائی ۔ ڈی سی دیر بالا کے آفیشنل فیس بک پیج کے ایک بیان میں کہا گیا ہے کہ ڈپٹی کمشنر و ڈائریکٹر جنرل کمراٹ ڈیولپمنٹ اتھارٹی اکمل خان خٹک کے ہدایت پر کمراٹ ویلی میں بند راستوں کو چیک پوسٹ سے لیکر ابشار تک مکمل طور پر دوبارہ بحال کردیے ہیں ۔ اپریشن میں ٹی ایم اے کے اہلکاروں نے بھی حصہ لیا ۔
